SIMBA YAWATOLEA UVIVU BOBAN NA NYOSSO

Klabu ya soka ya Simba yenye maskani yake mtaa wa Msimbazi imetangaza kuwapa adhabu wachezaji wake wawili ambao ni Haruna Moshi "Boban" na Juma Said Nyoso. 

Harouna Moshi Boban kushoto na kulia ni Juma Said Nyosso

Boban amesimamishwa kwa muda wa siku 21 kutokana na utovu wa nidhamu na kutokuwa na heshima kwa muajiri wake (Simba) na amepewa siku 21 atoe maelezo ya kutosha 

Katika wakati huo wote atakuwa akipokea mshahara nusu bila marupurupu ya kawaida. 

Kwa upande wa Juma Nyoso ameshushwa hadi Simba B kutokana na makosa mengi ya kiuchezaji yanayoigharimu timu yake na atarudishwa kikosi cha kwanza pale benchi la ufundi litakaporidhishwa na kiwango chake. 

Katika wakati huo wote Nyosso atakuwa akilipwa mshahara wake kama kawaida na malipo wanayopata wachezaji wa kikosi B.