MSAADA KWA MTANZANIA HUYU APATE MATIBABU

Hali ya majeruhi aliyeliwa nyama za uso wake na mwajiri wake katika kijiji cha Muhange wilayani Kakonko Mkoani Kigoma ijumaa iliyopita bado tete kutokana na majeraha makubwa aliyoyapata wakati wa tukio hilo

Majeruhi huyo aliyelazwa katika Hospitali ya wilaya ya Kibondo mkoani Kigoma anakabiliwa na wakati mgumu wa kimatibabu kutokana na matabibu kueleza kuwa anahitaji kufanyiwa upasuaji wa kuweka ngozi nyingine usoni baada ya iliyokuwepo awali kuisha kabisa katika tukio hilo

Anavyoonekana sasa Kijana Susuruka

Imeelezwa kuwa matibabu ya kijana huyo aliyekuwa akichunga Ng’ombe kwa Bw Iman Paulo ambaye ndiye aliyemla nyama za uso wake anahitaji kupelekwa India kwa matibabu zaidi

Lakini kulingana na hali duni ya kipato inayowasibu ndugu na jamaa wanaomuuguza huenda hilo likashindikana

Akiwa Wodini akipata matibabu

Kijana huyo aliyetajwa kwa jina moja la Susuruka alikumbwa na mkasa wa kuliwa nyama za uso wake na mwajiri wake huyo Ijumaa usiku ambapo muda mfupi baada ya watu kufika na kutoa msaada, mwajiri wake huyo Bw Paulo alimuacha na kumkamata mbwa wake ambaye alimkaba shingo hadi kufa na kisha kunyonya damu baada ya kula ulimi wote wa Mbwa huyo

Picha hii ni muda mfupi baada ya kuliwa

Katika hali isiyo ya kawaida Bw Iman Paulo alipohojiwa na Polisi alisema hajui chochote kuhusu matukio hayo