MWAJIRI AMLA USO MFANYAKAZI WAKE

Kijana aliyetajwa kwa jina moja la Susuruka amejeruhiwa kwa kuliwa nyama za sehemu ya uso wake na mwajiri wake aliyekuwa akimfanyia kazi ya kuchunga ng’ombe katika kijiji cha Muhange wilayani Kakonko mkoani Kigoma

Mwenyekiti wa Kijiji hicho Bw Saimon Anthony amesema kuwa tukio hilo limetokea jana usiku ambapo aliyefanya unyama huo ni Bw Imani Paulo

Amesema kabla ya kumla nyama za usoni mfanyakazi wake, Bw Paulo alimuua mbwa wake na kisha kula ulimi wa mbwa huyo

Kijana Susuruka anavyoonekana baada ya kujeruhiwa usoni

Jeshi la polisi wilayani Kakonko limethibitisha kutokea kwa tukio hilo na kwamba mtuhumiwa huyo amekamatwa ambapo baada ya kuhojiwa amesema hajui chochote kuhusu matukio hayo

Taarifa zinasema kuwa majeruhi huyo amepelekwa katika hospitali ya wilaya ya Kibondo kwa ajili ya matibabu