KAGAME ASISITIZA KUWA NCHI ZA MAGHARIBI ZINAHUSIKA MGOGORO WA MASHARIKI MWA DRC

Rais Paul Kagame wa Rwanda amezishutumu nchi za magharibi pamoja na mashirika ya kimataifa na kusema kuwa ndiyo sababu ya mgogoro unaoendelea mashariki mwa Jamhuri ya Kidemokrasia ya Kongo (DRC)

Rais Kagame ametoa kauli hiyo jana wakati wa uzinduzi wa chuo cha jeshi cha Nyakinama kilichopo katika wilaya ya Musanze

Rais Kagame katikati akiwa na maofisa wa jeshi katika ufunguzi wa chuo hicho

Amesema kuwa Rwanda na DRC zilikuwa zikielekea kutatua mgogoro huo katika eneo mashariki mwa DRC ambako makundi yenye silaha yanaendesha harakati zake na kwamba mataifa ya magharibi yanarudisha nyuma jitihada hizo

Miongoni mwa makundi yanayoendesha harakati zao katika eneo hilo ni pamoja na Democratic Forces for the Liberation of Rwanda (FDLR) linalotuhumiwa kwa mauaji ya halaiki ya Rwanda ya mwaka 1994

Kagame katika picha ya pamoja na maofisa wa jeshi baada ya ufunguzi wa Chuo hicho cha jeshi

Aidha wakati akifungua chuo hicho  rais Kagame ametoa wito kwa vyombo vya usalama kuhakikisha vinadhibiti matukio kabla ya kutokea ili kuepuka athari zitokanazo na matukio husika