MFAHAMU "NEWE" MSANII ANAYECHIPUKIA KWENYE HIP HOP

Jamaa anaitwa "Newe Mpemba" ambaye anatumia jina la "Newe" katika sanaa yake ya muziki, amezaliwa wa Shinyanga mjini miaka 24 iliyopita kwa maana Tar. 10/10/1988 .

 

Newe mkali anayekuja kuwatisha kina ROMA

Jamaa ndiye mtoto wa kwanza katika familia ya Mzee Mpemba na kijana wa Kiume mwenye Elimu ya kiwango cha Diploma ya Elimu na sanaa hadi hivi sasa.

Nilipomuuliza ameanza kuupenda muziki lini akanijibu hivi;- "Muziki  nilianza kuupenda tangu nilipojua kusikia"

Tangu alipojitumbukiza rasmi katika sanaa ya muziki hasa HIP HOP mwezi july, 2012 ametengeneza na kutoa wimbo mmoja unaoitwa "NYOTA YA MOYO " ambao amerekodi kwa Producer "AMBA"

Wimbo huo ulikamilika mapema mwezi August mwaka huu 2012 ambapo katika Chorus amesimama nyota wa bongo Flava "SOPRANO"

Nikamuuliza kama ana mpango wa kutoa Video ya wimbo huo wa "Nyota ya Moyo" akanijibu hivi;- "Mashabiki wangu nawaambia wamepata Neema nyingine ambayo itawafanya kamwe wasichoke kusikia kila nitakachotoa katika Tansia hii ya Muziki wa Kizazi kipya, Pia niko kwenye maandalizi ya kuanza kuandaa Video ya wimbo kama ulivyosema, kwa hiyo mashabiki wangu wategemee zaidi na zaidi toka kwangu

Huyo ndiye Hip Hop Upcoming Star, Newe Mpemba anayetumia jina la "Newe" katika kazi zake, anategemea support yako ili kutimiza ndoto zake