BAADA YA VURUGU ZA MWANZA

CHAMA CHA CCM WILAYA YA NYAMAGANA CHATOA TAMKO KUHUSU VURUGU ZA MACHINGA JIJINI MWANZA.

                      Katibu wa Itikadi na Uenezi Mustapha Banigwa a.k.a Nyayo.

Chama cha CCM Wilaya ya Nyamagana leo kimeota tamko kuhusu vurugu za machinga ambazo zilitokea jijini Mwanza na kusababisha kifo cha Mtu Mmoja. Akizungumza na waandishi wa habari katibu wa Itikadi na Uenezi Bwana Mustapha Banigwa amesema chama kinalaani Maauaji hao ambayo si halali  na Kupinga maauji ya raia kutoka kwa Polisi.

POLISI WAZIMISHA HARAKATI ZA MAJAMBAZI MAENEO YA KILIMAHEWA JIJINI MWANZA.

          Kaimu Kamanda wa Mkoa wa Mwanza Lilly Matola akielezea tukio lenyewe lilivyokuwa.

                                              SMG yenye namba T 1964 TB 8799.

                                   Mkutano na Waandishi wa Habari.
 JESHI la Polisi mkoani Mwanza limefanikiwa kuwaua kwa kuwapiga risasi watuhumiwa wawili wa ujambazi na kufanikiwa kukamata bunduki moja aina ya Sub Machine Gun (SMG), ikiwa na risasi 43.

Kaimu Kamanda wa Polisi Mkoa wa Mwanza, Lilian Matora, alisema  tukio hilo lilitokea  saa 5 usiku wa kumkia jana katika eneo la Kilimahewa Big Bite, Nyamanoro jijini hapa.

Polisi wakiwa katika doria ya kawaida, walishambuliwa kwa risasi na majambazi watano waliokuwa katika harakati za kupora wananchi mara baada ya polisi hao kupita katika mtaa husika na kugundua kuwa kuna hali ya utata isiyoeleweka.

Alisema polisi walijipanga vizuri na kufanikiwa kujibu mapigo ambapo majambazi wawili waliuawa papohapo kwa kupigwa risasi ambapo katika tukio hilo, majambazi wengine watatu walifanikiwa kutoroka.